Transcription
1
Monsieur desirant continuer à vous tenir souvent adverti des occurences en ce
2
myen gouvernement, il ma semblé vous dire que je viens dentendre quil
3
est arrivé au port Sainct Lazare près Thoullon, huict gallaires venans d’Espaigne,
4
sur lesquelles est le duc de Sexe qui sen va devers le sieur Don Jehan
5
d’Austriche, le duc de Nachare, qui sen va embassaddeur vers Nostre
6
Sainct Père le pape et le filz du marquis de Vellas qui sen va
7
devers lempereur. Ilz mènent environ mil hommes volluntaires. Il y est
8
aussy lembassadeur de Florence revenant d’Espaigne. Lesdits seigneurs
9
portent lintention du roy catholicque audit sieur Don Jehan de tout ce
10
quil a affaire, faisans courre bruict que cest pour marcher en Levant.
11
Ilz sont bien marris que le sieur Andrieto Doria soit party avecques
12
les gallaires de Genes sans les attendre ; que dans peu de jours,
13
doit passer encores douze gallaires d’Espaigne et quil en va vingt
14
vers le desdroict de Gibertas. Jay dailleurs nouvelles que ledit
15
duc de Sexe sen va pour estre lieutenant géneral dudit Don Jehan,
16
estant le seigneur Marc Anthoine Collona demeuré avecques le
17
reste de larmée de la Ligue. Qui est tout ce que je vous puis
18
dire pour ceste heure, me recommandant surce bien affectionnement
19
à vostre bonne grace, suppliant au Créateur vous donner
20
Monsieur, en bonne santé longue et contente vie. A Marseille, le premier
21
jour daoust 1572
22
Vostre plus afectionné et
23
obeissant amy
24
Tande